ABŞ Hərbi Dəniz Qüvvələri 2 ədəd yeni T-54A ikimühərrikli təlim təyyarəsi alıblar. Bu təyyarələrdən ABŞ Hərbi Dəniz Qüvvələri pilotları müasir turbovintli təyyarələri idarə etmək üçün istifadə edəcəklər.
Southern Maryland News-un məlumatına görə, nəqliyyat vasitələri Texas ştatındakı Korpus-Kristi aviabazasına çatıb.
T-54A-nın köhnəlmiş T-44C “Pegasus” təlim təyyarəsini əvəz edəcəyi güman edilir. Köhnə təyyarələri isə altı aydan sonra istismardan çıxarmağa başlayacaqlar.
Pilotlar T-54-də təlim keçdikdən sonra Dəniz Aviasiyası, Dəniz Piyadaları, Sahil Mühafizəsi və ABŞ-ın bəzi müttəfiqlərinin istifadə etdiyi turbovintli təyyarələri idarə edə biləcəklər. Təyyarələrin xidmət müddəti 2055-ci ilə qədər nəzərdə tutulub.
Bəxtiyar CƏFƏRLİ