“Kəpəz”in hücumçusu Amil Yunanov Misli Premyer Liqasının 32-ci turunun “Qəbələ”yə qarşı görüşünü də buraxacaq.
Offsideplus.az xəbər verir ki, zədə səbəbindən ötən tur “Sabah”la matçda da meydana çıxa bilməyən futbolçunun müalicəsi davam edir.
Yunanov 30-cu turun “Səbail”lə görüşündə zədələnərək meydanı vaxtından əvvəl tərk etmişdi. Onun “Neftçi” ilə matçadək geri dönməsi gözlənilir.
