İran Azərbaycana münasibətdə siyasətini dəyişməlidir

"Öncə istərdim ki, xalqımızı, cənab prezidenti, birinci vitse-prezidenti, hörmətli sədr, sizi və Yeni Azərbaycan Partiyasından olan həmkarlarımı xüsusilə təbrik edim. Biz, həqiqətən də 1991-ci ildəki sərhədləri, ərazi bütövlüyümüzü bərpa etmişik”.

Publika.az xəbər verir ki, bunu Ədalət, Hüquq, Demokratiya Partiyasının (ƏHD) sədri, Milli Məclisin hüquq siyasəti və dövlət quruculuğu komitəsinin sədr müavini Qüdrət Həsənquliyev parlamentin bu gün keçirilən plenar iclasında çıxışı zamanı deyib.

Millət vəkili bildirib ki, bu çox böyük tarixi bir nailiyyətdir:

“Özümə borc bildim ki, hakim partiyanı bu münasibətlə təbrik edim. Ona görə ki, hər bir siyasi partiya üçün, ölkəni yönəldən siyasi qüvvə üçün bu doğurdan da böyük bir şərəfdir.