Bu Avropa ölkəsi tələb etdi: SEPAH-a da sanksiya tətbiq edilməlidir

Avropa İttifaqı Şurasının sədr ölkəsi olan Belçika Avropanın İrana tətbiq edəcəyi yeni sanksiyalarla bağlı açıqlama yayıb.

Publika.azxəbər verir ki, Belçikanın xarici işlər naziri Hadja Ləhbib deyib ki, Avropa İttifaqının İrana qarşı tətbiq etdiyi yeni sanksiyalar İranın 13 apreldə İsrailə hücumuna cavab olaraq İran İnqilab Keşikçilərini də əhatə etməlidir.

Lüksemburqda keçiriləcək Aİ nazirlərinin toplantısından əvvəl jurnalistlərə açıqlama verən Ləhbib əlavə edib ki, İran İnqilab Keşikçiləri Korpusunun terror təşkilatı sayılan qurumlar siyahısına hansı hüquqi əsaslarla əlavə oluna biləcəyi ilə bağlı hələlik fikir birliyi yoxdur.

“Bunu birlikdə müzakirə etməliyik. Fələstinin İordan çayının qərb sahilində zorakılıq edən məskunlaşanlara qarşı sanksiyaları genişləndirməliyik. Balanslı olmalıyıq və əmin olmalıyıq ki, bizi ikili standartlar tətbiq etməkdə ittiham etmirlər”.