“Lokomotiv” stadionu yenidən qurulacaq

Rusiyanın paytaxtı Moskva şəhərinin Lyublino rayonunda yerləşən tarixi “Lokomotiv” stadionu yenidən qurulacaq.

Arena.az məlumat verir ki, bu barədə Moskva meri Sergey Sobyaninin saytı məlumat yayıb.

“2024-cü ildə onun yerində sahəsi 7 min kvadratmetrdən çox olan süni örtüklü və isitmə ilə böyük oyun arenası peyda olacaq – həm yayda, həm də qışda oynamaq mümkün olacaq. Əsas sahənin kənarında hər birinin sahəsi 500 kvadratmetrdən çox olan iki kiçik təlim meydançası olacaq. Oyunun gedişini izləməyi daha rahat etmək üçün tablo quraşdırılacaq”, – Sergey Sobyaninin saytında bildirilir.

Vurğulanır ki, sahələrin ətrafına qaçış zolağı salınacaq və amortizator üzlüklərlə örtüləcək. Bundan əlavə, güc məşqləri avadanlığı və məşq avadanlığı olan idman meydançası təşkil ediləcək. Yollarda skamyalar və tullantı qutuları quraşdırılacaq.

“Lokomotiv” stadionunun ərazisi yağış drenaj sistemi ilə təchiz ediləcək. Yüksək keyfiyyətli xarici işıqlandırma, o cümlədən xüsusi idman işıqlandırması sayəsində hətta axşam saatlarında oynamaq və məşq etmək rahat olacaq”, deyə Moskva meri əlavə edib.