Bu ölkələrə səyahət təhlükəlidir – SİYAHI

“International SOS”un illik interaktiv xəritəsi səyahətçilərin qarşılaşa biləcəyi təhlükəsizlik təhdidlərini ortaya qoyaraq diqqəti cəlb edib.

Yenicag.az xəbər verir ki, bu xəritə siyasi zorakılıq, sosial iğtişaşlar, zorakılıq və xırda cinayət kimi faktorlara əsaslanaraq, bu il səyahətçilər üçün təhlükəsizlik risklərinin ən yüksək olduğu yerləri müəyyən edir.

Qrenlandiya, Finlandiya, Norveç, İslandiya və Lüksemburq kimi ölkələr təhlükəsizlik təhdidləri az olduğu üçün ziyarət üçün ən uyğun yerlər sırasındadır.

Türkiyə orta təhlükəsizlik səviyyəsinə malik ölkələr sırasındadır.

Bunun əksinə olaraq, Liviya, Cənubi Sudan, Suriya, Ukrayna və İraq kimi ölkələr təhlükəsizlik baxımından həddindən artıq riskli yerlər kimi seçilir və ziyarət üçün ən təhlükəli ölkələr sırasındadır.

“International SOS” qeyd edir ki, yeni yaranan münaqişələr bu ölkələr, xüsusilə Qəzza, Livan, Rusiya və Afrikanın Sahel bölgəsində təhlükəsizlik risklərini artırır.

Sağlamlıq baxımından Niger, Sudan, Liviya, Mərkəzi Afrika Respublikası, Somali və Sierra Leone kimi Afrika ölkələri tibbi problemlərin inkişaf riski yüksək olan yerlər kimi önə çıxır.

Türkiyə sağlamlıq baxımından təhlükəsiz ölkələr sırasındadır.