Bojoviç yeni mövsüm "Neftçi"də qalacaqmı? - Açıqlama

"Neftçi"nin idman direktoru Yens Andersson komandanın baş məşqçisi Miodraq Bojoviç haqda danışıb.

QOL.az xəbər verir ki, isveçli futbol mütəxəssisi bu gün keçirdiyi mətbuat konfransında Bojoviçin yeni yeni mövsüm üçün komandada qalıb-qalmamasının onun fikrindən asılı olacağını söyləyib.

O həmçinin bildirilib ki, Bojoviç "Neftçi"yə gətirilərkən də onun fikri öyrənilib: "Bəli, fikrim öyrənilmişdi. Hər həftə qiymətləndirmə aparıram. Pis təcrübə var ki, qərar o zaman verilir ki, artıq qərar verilməlidir. Biz isə işimizi öncədən görürük, qiymətləndirmə aparırıq. Hazırda mövsümün sonuna 6 tur qalıb. Bunun nəticəsində baş məşqçinin işini qiymətləndirəcəyik".