Bu gün Azərbaycan Premyer Liqasında 31-ci tura start veriləcək.
Publika.az xəbər verir ki, ilk gündə 1 matç keçiriləcək. 6-cı sırada qərarlaşan "Turan Tovuz" 4-cü pillənin sakini "Sumqayıt"ı qəbul edəcək. Avrokuboklara vəsiqə uğrunda mübarizə aparan komandaların görüşü saat 16:30-da başlayacaq.
Turun digər matçları 20 və 21 aprel tarixlərində keçiriləcək. Şənbə günü "Qarabağ" "Qəbələ"ni, "Zirə" isə "Neftçi"ni qəbul edəcək. Bazar günü "Sabah" "Kəpəz"in, "Səbail" isə "Araz-Naxçıvan"ın qonağı olacaq.
Azərbaycan Premyer Liqası, 31-ci tur
19 aprel (cümə)
16:30 Turan Tovuz – Sumqayıt
Tovuz şəhər stadionu
20 aprel (şənbə)
16:30 Qarabağ – Qəbələ
Tofiq Bəhramov adına Respublika Stadionu