Rusiyada hərbi təyyarə qəzaya uğrayıb

Rusiya Hərbi Hava Qüvvələrinə məxsus təyyarə Stavropol vilayətində qəzaya uğrayıb.

APA xəbər verir ki , ilkin məlumatlara görə təyyarə Krasnoqvardeyski rayonu ərazisindəki əkin sahəsinə düşüb.

Hadisə nəticəsində ölən və yaralıların olmadığı bildirilir.

Bölgənin rəhbəri Vladimir Vladimirovun sözlərinə görə, pilotlar katapult əməliyyatını həyata keçiriblər.

Onlar xəstəxanaya aparılıb.