Rusiyada təyyarə qəzaya uğradı

Rusiyanın Stavropol diyarının Krasnoqvardeyski rayonunda təyyarə qəzaya uğrayıb.

Publika.az xəbər verir ki, bu barədə vilayətin qubernatoru Vladimir Vladimirov məlumat verib.

“Təyyarə Krasnoqvardeyski rayonu ərazisindəki əkin sahəsinə düşüb. Əməliyyat məlumatlarına görə, dağıntı və tələfat olmayıb, pilotlar xilas olublar”, - o bildirib.

Onun sözlərinə görə, hadisə ilə bağlı məlumatlar dəqiqləşdirilir. Vladimirov yalnız rəsmi məlumat mənbələrinə etibar etməyə və rəsmi məlumatlardan istifadə etməyə çağırıb.