“Borussiya”nın 4 futbolçusu simvolik komandada

Çempionlar Liqasında 1/4 final mərhələsinin cavab oyunlarının nəticələrinə əsasən, həftənin simvolik komandası bəlli olub.

İdman.biz xəbər verir ki, “WhoScored” portal tərəfindən hazırlanan komandaya “Borussiya”nın 4 futbolçusu daxil edilib.

Dortmund klubu 1/4 finalda güclü “Atletiko”nu mübarizədən kənarlaşdırıb. Səfərdə “Barselona”nı 4:1 məğlub edən PSJ-nin isə 3 futbolçusu heyətdə yer alıb.

Qeyd edək ki, Çempionlar Liqasında növbəti mərhələyə "PSJ", "Borussiya”, "Bavariya" və "Real" klubları çıxıb. Yarımfinal mərhələsinin ilk oyunları aprelin 30-da və mayın 1-də, cavab görüşləri isə 7-8-də keçiriləcək.

ÇL-in simvolik heyəti:

Qapıçı: Andrey Lunin (“Real”).

Müdafiəçilər: Yan Matisen (“Borussiya”), Naço Fernandes (“Real”), Erik Dayer, Joşua Kimmix (hər ikisi “Bavariya”).

Yarımmüdafiəçilər: Bredli Barkola (PSJ), Yulian Brandt , Marsel Sabitzer (hər ikisi “Borussia”).

Hücumçular: Ousman Dembele, Kilyan Mbappe (hər ikisi PSJ) və Niklas Fullkruq (“Borussiya”).

İdman.biz