“Ruanq” vulkanı püskürməyə başlayıb: 11 mindən çox insan təxliyə ediləcək

İndoneziyanın şimalında Ruanq vulkanı püskürməyə başlayıb.

Editor.az xəbər verir ki, bu barədə “Aljazeera” məlumat yayıb. Agentliyin məlumatına görə, 11 mindən çox insan təxliyə edilməlidir.

Ruanq iki kilometrdən çox yüksəkliyə kül və tüstü səpdiyi üçün bölgədə hava nəqliyyatı da pozulub. Şimali Sulavesi əyalətində yerləşən Ruanq dağı çərşənbə axşamı ilk dəfə püskürməyə başlayıb və səmaya tüstü və küldən ibarət buludlar göndərib. Daha dörd püskürmədən sonra İndoneziya vulkanologiya agentliyi xəbərdarlıq səviyyəsini dördüncü, ən yüksək səviyyəyə qaldırıb.

Mütəxəssislər həmçinin kraterin ətrafındakı qadağa zonasını dörd kilometrdən altı kilometrə qədər genişləndiriblər. Rəsmilər həmçinin vulkanın bir hissəsinin dənizə çökə biləcəyindən və 1871-ci ildə əvvəlki püskürmə zamanı olduğu kimi sunamiyə səbəb ola biləcəyindən narahatdırlar. Bu arada vulkanoloqlar son həftələrdə baş verən iki zəlzələdən sonra Ruanqda aktivliyin artdığını bildirirlər.

//Samir Qurbanov, Editor.az