Rusiyanın Zaqafqaziyada 300 illik tarixi başa çatır: Dünya yenidən qurulur

Rusiya İmperiyasının, daha sonra isə Sovet İttifaqının və Rusiya Federasiyasının Şimali Qafqazda, Zaqafqaziyada, Orta Asiyada 300-350 illik tarixi başa çatır.

Publika.az xəbər verir ki, bu barədə Rusiyanın Yaxın Şərq İnstitutunun prezidenti Yevgeni Satanovski NEWS.am -ın müxbiri ilə söhbətində bildirib.

“Yeni şəraitdə yeni, lakin fərqli bir şey olacaq. Bu gün biz Qərblə böyük müharibənin mərkəzindəyik, burada məsələnin qiyməti bu və ya digər tarixi regionda bu və ya digər hərbi baza deyil, Rusiyanın varlığı, bəlkə də bütün dünyanın varlığıdır”, - tarixçi qeyd edib.

Onun fikrincə, Zaqafqaziyanın ruslaşmaması faktdır və bununla mübahisə etmək əbəsdir.