Azərbaycanda nəqliyyat sektoru üzrə gəlirlər 15 faiz artıb

Bakı, 17 aprel, AZƏRTAC

Bu ilin birinci rübündə Azərbaycanın nəqliyyat sektoru üzrə gəlirləri ötən ilin müvafiq dövrü ilə müqayisədə 14,9 faiz artaraq 3,154.5 milyon manat olub.

AZƏRTAC xəbər verir ki, bu barədə rəqəmsal inkişaf və nəqliyyat naziri Rəşad Nəbiyev məlumat verib.

“Nəqliyyat sektorunun ÜDM-də payı 5,5 faizdən 6,8 faizə yüksəlib”, - deyə məlumatda bildirilir.