Vergi güzəştləri hesabına 2024-cü ildə Ermənistan büdcəsində 630 milyard dram və ya indiki məzənnə ilə 1,5 milyard dollardan çox kəsir yaranacaq.
Publika.az xəbər verir ki, bu barədə iqtisad elmləri doktoru Vardan Bostancyan aprelin 17-də müzakirə zamanı bildirib.
“Bu güzəştlər kimə verilib? Yüksək texnologiya şirkətlərinə? Yox. Kran suyunu qablaşdıran şirkətlər”, - deyə o əlavə edib.
Onun sözlərinə görə, belə bir iqtisadiyyat yoxdur.
“Fəaliyyət Ermənistana pul axınının olması ilə bağlıdır, lakin bu, inkişaf deyil. İqtisadiyyatın strukturu geridə qalıb, sənaye, kənd təsərrüfatı yoxdur”, - Bostancyan qeyd edib.
O əmindir ki, Ermənistan hakimiyyəti təhlükəsizlik və iqtisadi inkişaf sahələrinin ciddiliyini dərk etmir.