“Sülhməramlılar mərhələli şəkildə çıxarılır” – Ermənilər də Rusiya kontingentinin gedişini təsdiqləyir

“Rusiya sülhməramlılarının dağlıq Qarabağdan çıxarılması mərhələli şəkildə həyata keçirilir”.

Ulusal.az xəbər verir ki, bunu Ermənistanın “NEWS.am” portalı Ermənistandakı diplomatik mənbələrə istinadla yazıb.

Mənbə Azərbaycan mətbuatının Rusiya sülhməramlı kontingentinin Qarabağdan çıxarılmasına başlaması ilə bağlı xəbərlərini təsdiqləyib: “Kontingentin çıxarılması eşelonla Dağıstan vasitəsilə həyata keçirilir. Yekun çıxarılma vaxtı hələ açıqlanmayıb. Yada salaq ki, nə Moskva, nə də Bakı Rusiya sülhməramlı kontingentinin çıxarılmasını rəsmən açıqlamayıb”.