AB nazirləri bu tarixdə İranın hücumlarını müzakirə edəcəklər

Avropa Birliyinin xarici işlər və müdafiə nazirləri aprelin 22-də planlaşdırılan görüşdə İranın İsrailə hücumu ilə bağlı vəziyyəti müzakirə edəcəklər.

Axar.az xəbər verir ki, bunu Avropa Birliyinin xarici işlər və təhlükəsizlik siyasəti üzrə ali nümayəndəsi Jozep Borrell Yaxın Şərqdəki vəziyyətlə bağlı videokonfransdan sonra keçirilən brifinqdə deyib.

“Gələn bazar ertəsi Xarici İşlər və Müdafiə nazirlikləri rəhbərlərinin planlaşdırılan görüşü olacaq. Biz bu məsələni Fars körfəzindən olan həmkarlarımızla birlikdə müzakirə edəcəyik”, - deyə Avropa İttifaqının ali nümayəndəsi vurğulayıb.