"Yuventus" Türkiyə millisinin üzvü ilə müqaviləni uzadır

"Yuventus" hücumçusu Kenan Yıldızla yeni müqavilə imzalamağa hazırlaşır.

QOL.az xəbər verir ki, bu barədə insayder Fabrizio Romano məlumat yayıb. Turin təmsilçisi artıq 18 yaşlı forvardla razılığa gəlib. Tərəflər arasında yeni sözləşmə 2028-ci ilin yayına qədər olacaq.

Hazırkı müqavilə isə 2027-ci ilin yayınadəkdir.

Qeyd edək ki, Kenan Yıldız bu mövsüm "Yuventus"un heyətində bütün yarışlarda 25 oyun keçirib, 3 qol vurub. Türkiyə millisinin üzvünün transfer dəyəri 30 milyon avro qiymətləndirilir.