“İsrail birbaşa İrana hücum edərsə,...”-POLITOLOQ

14 aprel gecə saatlarında İran İsrailə qəfil hücum etsə də, İsrail bu hücumun qarşısını aldı. Hətta 14 apreldə İsrailin “KAN” radiosu məlumat yaydı ki,  İsrail Hərbi Hava Qüvvələrinin müdafiə və hücum sistemləri həyəcan vəziyyətinə gətirib və həyata keçirilən əməliyyat ABŞ-la razılaşdırılaraq həyata keçirilir. Hazırda döyüşlər olmasa da, siyasi müharibə davam etməkdədir. İsrail öz növbəsində 48 saat ərzində əks-hücuma keçəcəyini açıqlasa da, bu əks-hücum hələ də baş verməyib. Buna səbəb ABŞ-nin təsiridirmi? Yoxsa İsrail münaqişənin genişlənməsini istəmir?

Mövzu ilə bağlı suallarımız cavablayan siyasi şərhçi Novruzəli Yusubzadə  bildirdi ki, İsrailin hücum etməməsinin başlıca səbəbi ABŞ və digər G7 ölkələrinin qapalı iclasındakı müzakirənin sonunda İsrailə dəstək verilməyəcəyi qərarı oldu:

“Amerika Yaxın Şərqdən Orta Şərqdən, xüsusilə də,  İraq-Suriya ərazilərində bazalarının sayını azaldıb, Cənub Şərqi Asiya regionuna köçmək istəyir. Çünki Rusiya-Ukrayna, İsrail-Həmas, Azərbaycan-Ermənistan arasında Qarabağ konflikti partlaşı baş verib. Yaxın zamanda Tayvan konfliktinin də partlayacağını proqnozu verilir.  Ona görə də  ABŞ bunun baş verməsini önləmək istəyir. Ona görə də ABŞ Yaxın Şərqdən qoşunlarını çıxartmağa çalışır. Bu perspektivdə İranla müharibə aparmaq istəmir. İstəmir ki, Yaxın Şərqdə bataqlıq formalaşsın və İran-İsrail münaqişəsinə görə  ordusunun bir hissəsi burada qalsın”.

Həmsöhbətimiz qeyd etdi ki, İsrail münaqişənin genişləndirilməsini, yeni müharibə ocağının yaranmasını istəyir:

 “İsrail Suriyaya, Livana, hətta bacara bilsə, birbaşa İranla münaqişəyə çevirmək istəyir ki, Amerikadan və Qərbdən dəstək alsın.  Dəstək alaraq qalib gəlsin və regionda ən güclü ölkələrdən biri , hətta birincisi olsun. Lakin ABŞ bunu istəmir. Sırf buna görə ABŞ-dən açıqlama gəldi ki, İsrail birbaşa İrana hücum edərsə, biz İsrailə dəstək verməyəcəyik. Əgər İran İsrailə hücum edərsə, biz İranın sonuna kimi təhlükəsizliyini təmin edəcəyik. Bunlar fərqlidir.  ABŞ-də Konqresdə, Müdafiə Nazirliyində yəhudi əsilli şəxslər çoxdur. Onlar İsrailin Yaxın  və Orta Şərqdə təhlükəsizliyini prioritet hesab edirlər. Bu o demək deyil ki, onlar İsrail üçün hər yeri vura bilərlər. İsrailin hücumun qarşısının alınması üçün də hər şey edirlər. Çünki ABŞ-nin dövlət maraqları bunu tələb edir”.

Emin ŞİRVANZADƏ