Kəşmirdə qayıq aşıb, 4 nəfər ölüb

Kəşmirdə Jelum çayında qayığın batması nəticəsində azı 4 nəfər ölüb.

APA “The İndia Express”ə istinadən xəbər verir ki, Srinagar şəhərinin kənarındakı Jelum çayında qayığın batması nəticəsində 4 nəfər həlak olub və bir çox insan itkin düşüb.

Qeyd edək ki, son bir neçə gün ərzində bölgəyə yağan güclü yağışlar çayda suyun səviyyəsinin artmasına səbəb olub.

Lamiyə Şirinova