İdman
Millimizin üzvünün forması hərraca çıxarıldı - ən yüksək məbləğə görə Emin Mahmudovu üstələdi
09:37 16.04.2024
- Smartbee
- Şikayət et
Millimizin azarkeş qrupu "Göyqurdlar" yığmanın və LKS-in üzvü Rahil Məmmədovun imzalı formasını hərraca çıxarıb.
"Football-plus.az" xəbər verir ki, fanklub rəsmi instaqram hesabında futbolçunun hədiyyə etdiyi formanı paylaşıb:
"Dəyərli futbolçumuz Rahil Məmmədovun "Krakoviya" - LKS oyunundan sonra bizə hədiyyə etdiyi formanı xeyriyyə məqsədilə hərraca çıxarırıq. Satışdan gələn bütün gəliri YAŞAT fonduna ianə edəcəyik. Start məbləği 250 manatdı. Hərrac aprelin 20-nə qədər davam edəcək".
Hazırda təklif edilən ən yüksək məbləğ 300 manatdı. Xatırladaq ki, fanklub bundan əvvəl millimizin və "Neftçi"nin kapitanı Emin Mahmudovun formasını hərracda 200 manata satıb.
KƏNAN BAHADIR
Şərh ()