Ağ Ev İranı təkzib etdi: Bizə məlumat verməyib!

Ağ Ev bildirib ki, İran İsrailə və ya onun potensial hədəflərinə hücumla bağlı ABŞ-a xəbərdarlıq etməyib.

Modern.az xəbər verir ki, Ağ Evin Milli Təhlükəsizlik Əlaqələri üzrə koordinatoru Con Kirbi ABŞ-ın İranla mesaj mübadiləsi apardığını bildirib.

“Lakin Tehran 13 apreldə İsrailə hücumun vaxtı və məqsədi barədə Vaşinqtona heç vaxt məlumat verməyib”, - deyə o, əmin edib.

Xatırladaq ki, İran tərəfi bundan əvvəl İsrailə hücumla bağlı ABŞ-a xəbərdarlıq etdiyini bildirmişdi.