“Ancelina Coli” genindən əməliyyatsız xilas yolu tapıldı

2013-cü ildə BRCA1 adlı genetik mutasiya daşıdığını öyrənən Hollivud ulduzu Ancelina Colinin həm döşləri, həm də yumurtalıqları əməliyyatla götürülmüşdü. Colinin daşıdığı genetik mutasiya döş xərçəngi riskini 87%, yumurtalıq xərçəngi riskini isə 50% artırırdı. Colinin xərçəngə qalib gəlmək üçün əvvəlcədən aldığı tədbir gündəm olduqdan sonra bu mutasiya “Ancelina Coli” geni kimi tanınır.

BRCA gen mutasiyaları olan qadınlarda döş və yumurtalıq xərçənginin inkişaf riski daha da yüksək ola bilir və bir çoxları mastektomiya kimi profilaktik müalicə variantlarını seçirlər.

Publika.az xəbər verir ki, bununla belə, yeni araşdırmalar adətən döş xərçənginin gec mərhələlərində tətbiq olunan dərmanların mutasiyaya uğramış BRCA genlərini daşıyan sağlam insanlara verilməsinin onların xəstəliyə tutulmasının qarşısını ala biləcəyini göstərib.

Bir sözlə, elm adamları “Ancelina Coli” geni olan qadınları mastektomiya əməliyyatından xilas edə biləcəklərini bəyan ediblər.

İngiltərədəki Kembric Universitetinin alimləri aşkar ediblər ki, qüsurlu BRCA1 və ya BRCA2 genləri daşıyan sağlam qadınların döş toxumasında immun hüceyrələrinin "tükənməsi" əlamətləri var. Adətən gec mərhələli şişlərdə rast gəlinən bu nasazlıq immun hüceyrələrin zədələnmiş hüceyrələri təmizləyə bilmədiyini və nəticədə xərçəngə səbəb olduğunu göstərir.

Professor Ualid Kaled bu maneəni aşan immunoterapiya dərmanlarının hazırda mövcud olduğunu söyləyib: