“AzScienceNet” Şəbəkə İdarəetmə Mərkəzində “FileSender” xidməti istifadəyə verilib

Bakı, 29 mart, AZƏRTAC

Elm və Təhsil Nazirliyi İnformasiya Texnologiyaları İnstitutunun “AzScienceNet” Şəbəkə İdarəetmə Mərkəzində məlumat təhlükəsizliyi və məxfiliyin təmin olunması məqsədilə “FileSender” xidməti istifadəyə verilib.

İnstitutdan AZƏRTAC-a bildirilib ki, “FileSender” istənilən ölçülü faylları sürətli və təhlükəsiz şəkildə göndərmək üçün açıq mənbəli veb-proqramdır. Göndərən şəxs faylları müəyyən müddət ərzində qəbul edən şəxsin kimliyi və fayllara giriş üzərində tam nəzarətə malikdir.