“Qərb indi Qəzza zolağına daha çox maraq göstərir” – Zelenski

“Qəzza zolağındakı münaqişə Qərb ölkələrinin diqqətini Ukraynadan yayındırıb və bu, Kiyev üçün vəziyyətin pisləşməsinə səbəb olub”.
Yeniavaz.com xəbər verir ki, bunu Ukrayna Prezidenti Volodimir Zelenski Amerikanın CBS telekanalına müsahibəsində deyib.
“Təbii ki, Qəzza zolağındakı vəziyyət informasiya sahəsində diqqəti Ukraynadan yayındırıb. Bu faktdır", - deyə o bildirib.
Zelenskinin sözlərinə görə, diqqətin Ukrayna münaqişəsindən yayınması Rusiyaya sərf edir.
Ukrayna prezidenti Qəzza zolağında münaqişə nəticəsində Qərbin dəstəyinin nə dərəcədə azaldığını dəqiq açıqlamayıb.