Ukrayna PUA-sı ruslara məxsus “qiyamət gününün maşını”nı vurub

Ukrayna Silahlı Qüvvələri işğalçıların nüvə müharibəsi üçün nəzərdə tutulmuş “Ladoqa” adlı yüksək mühafizə olunan avtomobilini partlatmaq üçün pilotsuz təyyarədən istifadə edib.

Editor.az “Forbes”ə istinadən bildirir ki, 1970-ci illərin sonlarında Sovet hakimiyyəti Sankt-Peterburqdakı Kirov Konstruktor Bürosuna nüvə kəşfiyyatı və komandanlıq maşınının hazırlanmasını əmr edib.

Planlaşdırıldığı kimi, o, təsəvvür edilən ən təhlükəsiz və ən rahat nüvə maşını olmalı idi. “Möhürlənmiş, avtonom, qalın zirehli, xarici kameraları və öz oksigen təchizatı ilə qülləsiz tank”, – materialda deyilir. Nəşr nəticənin “Ladoqa” olduğunu qeyd edib. Bu maşınlardan yalnız dörd-beş ədəd istehsal edilib. Onlardan biri 1986-cı ildə Çernobıl AES-də baş vermiş qəzadan dərhal sonra istifadəyə verilib. Və bir avtomobil muzeyə yerləşdirilib.

Bundan sonra “Ladoqa” yoxa çıxıb… “Bu həftəyə qədər Ukraynaya məxsus pilotsuz uçan aparat Kremennaya yaxınlığındakı Ukrayna mövqelərinə doğru irəliləyən “Ladoqa”nı görüb və ona hücum edib”, – nəşr yazır.

//Samir Qurbanov, Editor.az