Bakıda taksi işləmək üçün ala biləcəyiniz 5 avtomobil markası

Bakı şəhərində taksi fəaliyyəti göstərmək üçün ala biləcəyiniz 5 avtomobil markası var ki, bunlar ən minimal büdcəyə ala biləcəyiniz ekonom və dözümlü avtomobillərdir. Dünya praktikasında bu modellər fərqli olsa da, ölkəmiz üçün keçərlidir. 

Bu barədə avtobloger Bəhruz Güləli Valyuta.az-a bildirib ki, bu avtomobillərin hər biri qarışıq rejimdə təxminən 100 kilometrə 5 litr yanacaq sərf edir. Bunların ehtiyat hissələri hər yerdə tapılır, yağdəyişmə xərcləri də təxminən 60 manat civarında olur. Həmin beş avtomobil markası bunlardır:

5. 2006-cı il istehsalı olan 1.3 dizel mühərrikli, mexaniki sürətlər qutusu olan “Opel Astra” markalı avtomobildir.

4. 2008-ci il istehsalı olan 1.5 dizel mühərrikli, mexaniki sürətlər qutusu olan “Kia Rio” markalı avtomobildir.

3. 2008-ci il istehsalı olan 1.5 dizel mühərrikli, mexaniki sürətlər qutusu olan “Hundai Accent” markalı avtomobildir.

2. 1.3 hibrid mühərrikli, variator sürətlər qutusu olan “Honda Civic” markalı avtomobildir.

1. 2006-cı il istehsalı olan 1.4 dizel mühərrikli, mexaniki sürətlər qutusu olan “Toyota Corolla” markalı avtomobildir.

Əvəz Həsənov