İsrail əsgərləri iki fələstinlini güllələyib cəsədləri buldozerlə basdırıblar – KİV

İsrail əsgərləri Qəzza zolağında iki silahsız fələstinlini güllələyib və cəsədləri buldozerlə basdırıblar.
Yeniavaz.com xəbər verir ki, bu barədə “Əl-Cəzirə” telekanalı məlumat yayıb.
Qeyd olunub ki, müvafiq məlumatı iki silahsız fələstinlinin sahil boyu gəzdiyini əks etdirən, sosial şəbəkələrdə yayılan video da təsdiqləyir.
Bildirilir ki, onlardan birinin əlində ağ bayraq olub.
Telekanalın məlumatına görə, İsrail hərbçiləri onlara yaxın məsafədən atəş açıb, sonra isə buldozerlə cəsədləri quma basdırıblar.