Ermənistan rusiyalı sərhədçiləri əvəzləyəcək şəxslər axtarır

Ermənistan Milli Təhlükəsizlik Xidmətinin Sərhəd Qoşunları dövlət sərhədinin “Zvartnots”, “Baqrataşen” və digər sərhəd-buraxılış məntəqələrində işləmək üçün kiçik zabit vəzifələrinə vətəndaşların qəbulunu elan edib.

Qeyd olunur ki, müraciət 30 yaşa qədər olan qadın və kişilərə şamil edilir.

Namizədlərdən erməni dilindən əlavə, rus və ya ingilis dilini bilmək tələb olunur.

Məlumat üçün əlavə edək ki, avqustun 1-dən “Zvartnots” hava limanından rus sərhədçiləri çıxarılacaq, orada yalnız erməni sərhədçiləri xidmət aparacaqlar.

Mənbə: Sputnik Ermənistan