Monteneqroda təlim-məşq toplanışında olan 18 yaşadək futbolçulardan ibarət Azərbaycan millisi (U-18) yoxlama oyunu keçirib.
Arena.az xəbər verir ki, U-18 millimiz Monteneqronun müvafiq yaş qrupundan ibarət komandası ilə qarşılaşıb.
Monteneqronun paytaxtı Podqoritsada baş tutan oyun meydan sahiblərinin 2:0 hesablı qələbəsi ilə yekunlaşıb.
Azərbaycan millisi yoxlama oyununda bu heyətlə mübarizə aparıb: 1. Həbib Hüşənov, 6. Nadir Orucov, 23. Rəşad Alışov, 3. Cavid Məlikov (21. Murad Mustafayev, 46), 5. Əli Nəbizadə (2. Ömər Əliaslanlı, 46), 7. Əkbər Məhərrəmov, 10. Babamirzə Mehdiyev (19. Əli Qurbanov, 75), 8. Emin Feyzullayev (15. Elnur Cabbarlı, 75), 18. Arzu Mədətov (9. Ömər Kərimov, 85), 17. Ziya Şəkərxanov (16. Əmir Əliyev, 62), 11. Röyal Fərzullazadə (20. Rauf Qafarov, 62).
Qeyd edək ki, bu komandalar arasında oktyabrın 31-də daha bir yoxlama oyunu keçiriləcək.
