İtaliyanın dağ xizək komandasının perspektivli gənc idmançısı Matilde Lorenzi Val Senalesdə trasda yıxılaraq dünyasını dəyişib. SİA xarici KİV-ə istinadən xəbər verir ki, 19 yaşlı italyan xizəkçi Matilde Lorenzi Val Senalesdə məşq edərkən xizək sürərkən yıxılaraq ağır yaralanaraq dünyasını dəyişib.
İtaliya dağ xizək komandasının perspektivli adlarından biri olan Lorenzinin ölümü ölkədə şok effekti yaradıb. İtaliya Qış İdmanları Federasiyası kədərli xəbəri "Matilde Lorenzi vəfat edib" deyərək açıqlayıb.
Prezident Flavio Roda faciəyə inana bilmədiyini bildirsə də, ölkənin hər yerindən başsağlığı səslənib. Matilde Lorenzinin Val Senalesdəki Gravand G1 trasında yıxılaraq vertolyotla Bolzano xəstəxanasına aparıldığı, lakin xilas ola bilmədiyi öyrənilib.
Lorenzinin yıxılarkən trekin buzlu səthinə şiddətlə başını vurduğu öyrənilib. İtaliyalı idmançı 2024-cü ildə gənclər arasında keçirilən dünya çempionatında eniş və Super G yarışlarında 6-cı və 8-ci yerləri tutub.
