Bakı Stadionunda COP29 Azərbaycan Əməliyyat Şirkəti və “Yaşıl Enerji Elektrik Stansiyası” MMC arasında memorandum imzalanıb.
APA xəbər verir ki, memorandum COP29 Azərbaycan Əməliyyat Şirkətinin Aparat rəhbəri Hikmət Mustafayev və “Yaşıl Enerji Elektrik Stansiyası” MMC-nin səlahiyyətli nümayəndəsi Emil İbadov tərəfindən imzalanıb.
Tədbirin rəsmi hissəsində bildirilib ki, COP29 tədbirinin keçirildiyi məkanın işıqlandırılması generatorlar tərəfindən həyata keçiriləcək və həmin işıq generatorlarında hidratlaşdırılmış bitki yağından istifadə olunacaq. Qeyd edilib ki, yaşıl enerji təchizatı ilə bağlı təşəbbüs ilk dəfə COP29 çərçivəsində reallaşacaq və gələcək tədbirlər də bu nümunədən istifadə olunacaq.
