Ömrü faydalı işlər görməklə yaşamaq insanın əbədi arzusu və əməlinə çevrilirsə bu həmin şəxsin dəyərlər daşıyıcısı olması deməkdir.
Haqqında bir neçə kəlmə demək istədiyim Saleh Səmədov çox peşəkar, bacarıqlı, özünü təsdiq etmiş, geniş masştablı biznesmendir. Onu iki kəlmə ilə qısaca ifafə etsək, məncə "xeyriyyəçi" və "səmimiyyət" sözləri ən doğru ifadələrdir.
Saleh müəllimlə elə ciddi münasibətimiz olmasa da, bir rayonda yaşadığımıza görə fikirlərim canlı müşahidələrimə əsaslanır.
Məni yaxından tanıyanlar bilir ki, bir ömür boyu ləyaqətlə yaşamağı hər şeydən üstün tutdum, həmişə vəzifələrdən imtina etdim, dünya malında gözüm yoxdur və deməli, kiməsə xoş gəlmək üçün söz demək də mənlik deyil.
Son dövürlərdə ünsiyyətimiz zamanı onun müdrik fikirlərə həssas münasibəti, mütaliəsi, bütün sahələrdən geniş məlumatlılıq səviyyəsini müşahidə etdim.
Bu baxımdan Saleh Səmədov kimi bir şəxsiyyətin bu gün İmişli Rayon Ağsaqqallar Şurasının sədri kimi fəaliyyəti geniş mənada çox təqdirəlayiq haldır. Bunu rayon əhalisi üçün həm də bir şans hesab edirəm. Təsadüfi deyil ki, rayonda hər gün bu şuranın üzvlərinin sayı durmadan artır.
Ulu Öndərin aşağıdakı fikrini bir neçə dəfə onun dilindən eşitmişəm: "Həyatda insan hər şeyi öyrənir. İki keyfiyyətdən başqa. Sədaqət və cəsarət. Bu keyfiyyətlər insanın qanında olur".
Saleh müəllim, sizə çoxşaxəli fəaliyyətinizdə uğurlar arzulayıram!
Vahid Tağıyev
MİA.AZ
