1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Apple"ın marketinq şöbəsinin rəhbəri Qreq Cosviak yeni kompüterlərin təqdim olunacağına işarə edib.
Oxu.Az-ın məlumatına görə, o, "X" sosial şəbəkəsindəki səhifəsində gələn həftə şirkətin bir neçə yenilik təqdim edəcəyini bildirib.
Q.Cosviakın sözlərinə görə, ilk elan artıq bazar ertəsi olacaq.
"Bazar ertəsi səhərdən başlayacaq həyəcanverici elanlar həftəsi bizi gözləyir. Bizimlə qalın" - deyə Q.Cosviak tərəfindən paylaşılan tizerdə "Mac" qeyd olunub və "Finder" ikonasının "Apple" loqosuna çevrildiyi qısa video var.
"Apple"ın yenilənmiş "Mac", "Mac mini" və "MacBook Pro" modellərini təqdim edəcəyi gözlənilir.
Həmçinin bazar ertəsi "iOS 18.1", "iPadOS 18.1" və "OS Sequoia 15.1" yenilənmələrinin buraxılışı planlaşdırılır. Q.Cosviakın özünün işarə etdiyi kimi, bu səbəbdən yeni kompüterlərin elanları çərşənbə axşamı ola bilər və ya bütün həftə boyu davam edə bilər.
