Maldiv Respublikasının Prezidenti Mohamed Muizzu ölkədə iqtisadi böhran və artan xarici borc şəraitində dövlət vəsaitlərində və cari xərclərdə qənaət siyasətinin tərkib hissəsi olaraq maaşını 50% azaltmaq qərarına gəlib.
Bakıvaxtı.az xəbər verir ki, Muizzunun ofisinin yaydığı məlumata görə, 2025-ci ildən dövlət başçısının illik maaşı hazırda 1,2 milyon rufiya (78 min dollar) əvəzinə 600 min rufiya (39 min dollardan bir qədər çox) olacaq. Üstəlik, bu, respublikada ildə 316 740 rufiyaya (20,6 min dollar) çatan orta gəlirindən təxminən iki dəfə çox olacaq.
Muizzunun qərarına əsasən, dövlət qurumlarının və nazirliklərin bütün məmurlarının maaşları da 10% azalacaq. İxtisarlar prezidentlə həmrəylik nümayiş etdirəcəkləri və maaşlarını könüllü şəkildə kəsəcəkləri gözlənilən Maldiv hakimləri və qanunvericilərinə təsir etməyəcək.
