Kral Hərbi Dəniz Qüvvələrinin Vengeance sinifli nüvə sualtı qayığının ekipajı 2024-cü ilin martında başa çatan altı aylıq patrul zamanı ciddi qida çatışmazlığı ilə üzləşib. Bu barədə "The Sun" tabloidi məlumat yayıb.Nəşrin məlumatına görə, nüvə sualtı qayığının dənizçiləri ilkin olaraq orada 80 gündən çox olmayacaqları güman edilsə də, altı ay dənizdə qalıblar. Ancaq işləyən sualtı qayıqların çatışmazlığı səbəbindən ekipaj yalnız yazda 200 gündən çox dənizdə qalaraq bazaya qayıtdı.
Patrul zamanı ərzaq ehtiyatları azaldı, ona görə də gəmi komandanlığı konsentrasiyanı saxlamaq üçün dənizçilərə kofein həbləri paylamaq qərarına gəldi. Onlardan enerjiyə qənaət etmək üçün daha çox yatmaq da tələb olunurdu.

Sualtı qayıqdakı kritik vəziyyət yalnız indi məlum olub.
Bundan əvvəl sağ qalma və təhlükəsizlik üzrə ekspert Eduard Xəlilov bizə açıq dənizdə necə sağ qalmağı izah etdi. Onun sözlərinə görə, dənizdə yeməksiz, susuz və isti paltarsız insan orta hesabla iki həftəyə yaxın yaşaya bilər. Xəlilov dənizçiləri özləri ilə kifayət qədər su, qida, dərman və qəza siqnalı göndərmək üçün vasitələr aparmağa çağırıb.

aia.az
Tərcümə şöbəsi

• Britaniya
• Dənizçilər
• Qida Ehtiyatları
• Nüvə Sualtı Qayıq
• Vengeance