Xəbər verildiyi kimi Xəzər rayonu Buzovna qəsəbəsində iki yeniyetmə bıçaqlanıb. Bıçaqlanan şəxslərdən biri 322 nömrəli məktəbin 11-ci sinif şagirdi, digəri isə həmin məktəbdə oxuyan və 9-cu sinifdən çıxan 17 yaşlı şəxsdir.
Tibbi Ərazi Bölmələri İdarəetmə Birliyindən Bizim.Media-nın sorğusuna cavab olaraq bıçaqlanan şəxslərin vəziyyəti açıqlanıb. Bildirilib ki, 25.10.2024-cü il tarixində 14:30 radələrində 2007-ci il və 2008-ci il təvəllüdlü şəxslər (kişi cinsli) Sabunçu Tibb Mərkəzinə hospitalizasiya olunub.
MÖVZU İLƏ BAĞLI:
Bakı məktəbində DƏHŞƏT – 11-ci sinif şagirdi BIÇAQLANDI - ÖZƏL
Hər iki şəxsə döş qəfəsinin kəsilmiş-deşilmiş yarası diaqnozu təyin olunub və dərhal əməliyyata alınıb.
Cərrahi əməliyyatdan sonra yaralılar tibb müəssisəsinin Cərrahi profilli reanimasiya şöbəsinə yerləşdirilib. Vəziyyətləri ağır stabil qiymətləndirilir.
Bizim.Media-nın əldə etdiyi digər məlumata görə Xəzər rayonunun Buzovna qəsəbəsindəki 26 nömrəli və 322 nömrəli məktəbin şagirdləri arasında insident yaşanıb. Hadisə zamanı iki yeniyetmə bıçaqlanıb.
Daxili İşlər Nazirliyinin məlumatına görə hadisəni törətməkdə şübhəli bilinən F. Hüseynov polis əməkdaşları tərəfindən saxlanılıb.
Alçina Amilqızı, Bizim.Media
