Türkiyədə fəaliyyəti qadağan edilən və terror təşkilatı kimi tanınan Kürdüstan Fəhlə Partiyası (PKK) oktyabrın 23-də Ankarada törədilən terror aktına görə məsuliyyəti öz üzərinə götürüb. Vətəninfo.az xəbər verir ki, bu barədə “Sözcü” telekanalı PKK-nın bəyanatına istinadən xəbər verir.
Hücumun PKK-nın hərbi qanadı sayılan “Ölümsüz Batalyon” adlanan qruplaşmanın silahlıları tərəfindən həyata keçirildiyi qeyd edilib. Həmçinin ehtimal edilir ki, terror aktı çoxdan planlaşdırılıb və Türkiyənin daxili siyasi hadisələri, xüsusən də hakimiyyətin kürd probleminin həlli ilə bağlı təşəbbüsləri ilə bağlı deyil.
