“Vüqar Həşimov” klubu Serbiyanın Vranyatske-Bane şəhərində keçirilən şahmat üzrə Avropa Kubokunda bu gün növbəti matçına çıxacaq.
Apasport.az xəbər verir ki, Azərbaycan təmsilçisi V turda İsrailin "Etude Ramat Qan Dov Porat Memorial" klubu ilə üz-üzə gələcək.
Şahmatçılarımız əvvəlki dörd turda Norveçin SOSS (5,5:0,5), İsveçin “Lunds” (3,5:2,5) və İsveçrənin "Riksen" (4:2) kollektivlərini üstələyib, Rumıniyanın "Superçess" klubuna isə 1:5 hesabı ilə məğlub olublar.
"Vüqar Həşimov" klubu 4 turdan sonra 6 xalla 16-cı pillədə qərarlaşıb.
Qeyd edək ki, ümumilikdə 84 klubun yarışdığı Avropa Kubokunda 7 tur oynanılacaq. Azərbaycan şahmatçılarından Şəhriyar Məmmədyarov, Teymur Rəcəbov, Nicat Abasov Türkiyənin “Bayegan Pendik Chess”, Günay Məmmədzadə və Gövhər Beydullayeva Serbiyanın “Sirmium Sremska Mitrovitsa”, Ülviyyə Fətəliyeva isə Rumıniyanın “Super Chess” klublarında çıxış edirlər.
Məşqçi-müəllimlər üçün onlayn seminarlar keçiriləcək
Şəhriyarın komandası 1-ci pillədə
Şahmatın 2 növü üzrə Azərbaycan çempionatı keçiriləcək
FİDE: Məmmədyarov geriləyib, Rəcəbov isə mövqeyini qoruyub
Vüqar Həşimov Memorialının iştirakçıları üçün Şuşada tur təşkil edilib
