İmişli, 24 oktyabr, Aydın Yavərzadə, AZƏRTAC
İmişli rayonunda minik maşını və motosikletin toqquşması ilə nəticələnən yol qəzası baş verib.
AZƏRTAC-ın bölgə müxbiri xəbər verir ki, şəhərin Heydər Əliyev prospekti ilə Ramiz Əliyev küçələrinin kəsişməsində qeydə alınıb. Hadisə nəticəsində xəsarət alan iki nəfər - Şamil Həsənli və Amil Babayev İmişli Rayon Mərkəzi Xəstəxanasına yerləşdirilib. Faktla bağlı araşdırma aparılır.
