Rusiya Xarici İşlər Nazirliyinin rəsmi nümayəndəsi Mariya Zaxarova axşam videomüraciətində Ukrayna lideri Volodimir Zelenskinin “Make Russia Small Again” köynəyində görünməsini ələ salıb.
Qaziler.az xəbər verir ki, bu barədə Zaxarova “Telegram” kanalında paylaşım edib.
“Balaca, nə kimi? SSRİ? Rusiya İmperiyası? Aha, başa düşdüm! Kiyev kimi. Bunun üçün bizə Kiyev lazımdır. "Sən özün dedin, lənətə gəlmiş axmaq" – Zaxarova istehza ilə yazıb.
Oktyabrın 22-də Zelenskinin “Telegram” kanalında Zelenskinin Ukraynanın Baş naziri Denis Şmıqal və Ukrayna Silahlı Qüvvələrinin Ali Baş Komandanı Aleksandr Sırski ilə görüşü barədə danışdığı video yayılıb. Videoda o, üzərində “Make Russia Small Again” yazısı olan köynəkdə görünüb.
QAZİLER.AZ
