Hazırda 6-7 Azərbaycan bankının SİMA İmzaya qoşulması istiqamətində iş aparılır.
"Operativ Media" xəbər verir ki, bunu "Azintelecom" MMC-nin məhsullar və xidmətlər departamentinin rəhbəri Tamerlan Məşədiqasənli "Dayanıqlı mikromaliyyə üçün innovativ həllər" mövzusunda keçirilən konfransda deyib.
“Hazırda 10-a yaxın bank SİMA İmzaya qoşulub, buna paralel olaraq daha 6-7 bankla əlaqə qurulur, vətəndaşlar bu həlldən istifadə edərək, banklar daxilində heç bir komissiya ödəməyəcək tərəfdaşlığımız çərçivəsindədir”, - deyə Məşədihəsənli bildirib.
Onun sözlərinə görə, hazırda bu sistemə qoşulan bankların sayının az olması ödənişlərlə deyil, rəqəmsallaşma prosesi ilə bağlıdır.
“Azərbaycanın bank və kredit təşkilatlarının rəqəmsallaşmaya ehtiyacı var ki, SİMA-nı inteqrasiya edə bilsinlər”.
