Gənclər və İdman Nazirliyi tərəfindən gənclər təşkilatlarının fəaliyyətlərinin dəstəklənməsi məqsədi ilə 2024-cü il üzrə elan edilmiş qrant müsabiqəsinin qalib layihələrindən olan, Dünya Gənc Türk Yazarlar Birliyinin “Türk dünyası gənc yazarlarının Lənkəran toplantısı” layihəsi həyata keçirilir.
Tədbirdə Azərbaycan və Türk dünyasının digər coğrafiyasından olan yeni nəsil yazarlar iştirak edəcəklər. 3 ay müddətində həyata keçiriləcək layihə çərçivəsində Türk ölkə və topluluqlarından olan yeni nəsil yazarların yaradıcılıq nümunələri kitab şəklində buraxılacaq.
Qeyd edək ki, bu il Azərbaycanın Lənkəran şəhəri Türk dünyasının gənclər paytaxtı elan olunub.
Rizvan FİKRƏTOĞLU
XQ
