İstanbul Baş Prokurorluğu Fəthullahçı Terror Qruplaşmasının (FETÖ) lideri Fətullah Gülənə qarşı apardığı araşdırmalar nəticəsində çoxsaylı ittiham aktları hazırlayıb və həbs qərarı çıxarıb.
Bakıvaxtı.az "Anadolu Agentliyi"nə istinadla xəbər verir ki, ABŞ-də vəfat edən Fətullahçı Terror Təşkilatının (FETÖ) lideri Fətullah Gülənə qarşı İstanbulda çoxlu sayda məhkəmə işi və həbs qərarı var.
Gülən haqqında ilk həbs qərarı 2014-cü il dekabrın 14-də İstanbul 1-ci Sülh Cəza Məhkəməsi tərəfindən verilib.
Bu qərar 2009-cu ildə “Tahşiyeciler”ə qarşı əməliyyatın FETÖ-nün uydurma və sui-qəsdi olduğu iddiası ilə aparılan istintaq çərçivəsində verilib.
Baş Prokurorluğun vəsatətini qiymətləndirən hakim Gülənin “terror təşkilatı yaratmaq və ya ona rəhbərlik etmək”, “zor tətbiq etməklə, hədə-qorxu gəlmək və ya dələduzluq yolu ilə azadlığından məhrum etmə” cinayətlərinə görə həbs qərarı verilməsinə qərar verib.
Bu araşdırma nəticəsində İstanbul 14-cü Ağır Cəza Məhkəməsində açılan iddiada Gülənin 19 ildən 34 ilə qədər həbsi istənilsə də, fərari olduğu üçün cinayətə xitam verilib.
FETÖ-nün 15 iyul 2016-cı il hərbi çevriliş cəhdi ilə bağlı İstanbulda açılan əsas dövlət çevrilişi işinə 2018-ci il aprelin 17-də baxılıb.
İstanbul 14-cü Ağır Cəza Məhkəməsində baxılan bu işdə F.Gülənin fərari olduğu üçün dosyesi ayrılıb, digər müttəhimlər haqqında da hökm oxunub.
Əli Hüseynov
