Sabunçu tunelində batan iki nəfərdən birinin meyiti çıxarıldı -YENİLƏNİB

Bakının Sabunçu rayonu ərazisində sel sularının tunelə dolması nəticəsində iki nəfərin batdığı güman edilir.

Bizim.Media apa.az-a istinadən xəbər verir ki, onlardan birinin cəsədi FHN qüvvələri tərəfindən sudan çıxarılıb.

Batdığı ehtimal edilən digər şəxsin axtarışları davam edir.

Qeyd edək ki, hazırda ərazidə suyun çəkilməsi üçün işlər davam etdirilir.

***14:50

Bölgələrdə və paytaxt Bakıda yağan aramsız yağış ziyansız ötüşməyib.

Bizim.Media oxu.az-a istinadən xəbər verir ki, paytaxtın "Sabunçu keçidi" adlanan ərazisində tunelə su dolması nəticəsində iki nəfər suda boğularaq ölüb.

Xatırladaq ki, həmin tuneldə "Ford" markalı avtomobil də batıb.

Bizim.Media