Yağış zamanı paytaxtın “Sabunçu keçidi” adlanan ərazisində tunelə su dolması nəticəsində iki nəfər suda boğularaq ölüb.
Modern.az xəbər verir ki, bu barədə "oxu.az" saytı məlumat yayıb.
Qeyd olunur ki, həmin tuneldə “Ford” markalı avtomobil də batıb.
İTV kanalının məlumatına görə, Sabunçu rayonu Asif Əsədullayev küçəsində yerləşən və yağış suları ilə dolmuş tuneldə axtarış-xilasetmə tədbirləri davam etdirilir. Əraziyə FHN-in texnikası və dalğıclar cəlb edilib.
Tuneldə boğulduğu ehtimal edilən iki şəxsin tapılması istiqamətində işlər davam etdirilir. Məlumata görə, meyitlərdən biri sudan çıxaırlıb.
