Bakı, 22 oktyabr, AZƏRTAC
Ölkə ərazisində yağıntılı hava şəraiti müşahidə olunsa da, respublika ərazisindən axan əksər çayların sululuğunda artım qeydə alınmayıb.
AZƏRTAC xəbər verir ki, bunu Milli Hidrometeorologiya Xidmətinin Hidrologiya Mərkəzinin direktoru Asif Verdiyev bildirib.
Onun sözlərinə görə, Lənkəran-Astara bölgəsində müşahidə olunan leysan xarakterli intensiv yağıntılarla əlaqədar Lənkəran rayonu ərazisindən axan Lənkərançayda suyun səviyyəsi 7 santimetr artıb.
