“Bu gün Avropa Parlamenti Azərbaycandakı insan hüquqlarının vəziyəti ilə bağlı məsələni müzakirə edəcək. Amma son 30 ildən artıq müddətdə Ermənistan tərəfindən Azərbaycana qarşı həyata keçiirlən işğalçılıq siyasəti nəticəsində hərbi cinayətlərə törədilməklə yanaşı, vətəndaşlarımızın hüququ kobud surətdə pozulub. Avropa Parlamenti Ermənistanın Azərbaycan vətəndaşlarına qarşı pozulmuş hüquqlarını və həyata keçirdiyi cinayəti müzakirə etməlidir, amma biz yenə də Qərbin ölkəmizə qarşı ikili standartın şahidi olmaqdayıq”.
Ölkə.Az xəbər verir ki, bunu deputat Tural Gəncəliyev parlamentin bu gün keçirilən plenar iclasında deyib.
Deputat bildirib ki, beynəlxalq praktikada da hər hansı bir ölkə hərbi münaqişə nəticəsində başqa bir ölkəyə vurduğu ziyana görə məsuliyyətə cəlb olunması barədə yetərincə faktlar var. “İstər Almaniyanın İkinci Dünya Müharibəsindən sonra, istər İraq-İran müharibəsi zamanı müharibə cinayəti törədən tərəfi beynəlxalq məhkəmə tərəfindən məsuliyyət cəlb olunaraq cinayət törətdiyi tərəfə kompensasiya ödəməli olub. Odur ki, Ermənistanın Azərbaycana qarşı törətdiyi hərbi cinayətlərə görə kompensasisya ödənməsi məsələsi qaldırılmalıdır”, - o qeyd edib.
Mürtəza
Ölkə.Az
