Məşhur müğənni Rihannanın sevgilisi olan amerikalı reper Rokki İngiltərənin “Tranmere Rovers” klubunu almağa hazırlaşır.
QOL.az “The Sun”a istinadən xəbər verir ki, Rokki klubun satılmasından cavabdeh olan məşhur hüquqşünas Co Tacopinanın rəhbərlik etdiyi investisiya qrupunun bir üzvüdür.
İnvestisiya qrupu klubun səhmlərinin 80 faizini təxminən 15 milyon funt-sterlinqə alacaq.
Qeyd edək ki, “Tranmere Rovers” hazırda İngiltərənin səvviyəcə 4-cü divizionu olan Liqa 2-də mübarizə aparır. Komanda hazırda 14 xalla 24 klub arasında 16-cı yerdədir.
