Bakı, 21 oktyabr, AZƏRTAC
“Araz-Naxçıvan” komandası yeni mövsümün startı ərəfəsində 2 futzalçı transfer edib.
Klubun mətbuat xidmətindən AZƏRTAC-a verilən məlumata görə, ölkə çempionu 28 yaşlı Əli Rüstəmi və 31 yaşlı Əmirhuseyin Rəsulini heyətinə cəlb edib.
Hər iki futzalçı qeydiyyatdan keçirilib və oktyabrın 22-də “Baku Fire” klubu ilə baş tutacaq görüşdə iştirak edə biləcək.